Arkitektur og Landskap

Ein bygning skal vere ei funksjonell og estetisk ramme rundt dei funksjonane han skal innehalde. Bygningen påverkar også omkringliggande miljø og landskap. Å byggje handlar om å ta på seg ansvar for miljø og medmenneske. Det er profesjonen vår å ivareta slike omsyn - å planlegge funksjonelle, estetiske, miljøtilpassa og økonomiske bygg. Arkitekten skal vere tillitsmann og næraste rådgjevar for byggherren gjennom heile byggeprosessen.

Konkrete oppgåver er alt frå planlegging av store naturinngrep, som grustak, steinbrot, industrianlegg og veganlegg, til utforming av urbane uterom, som torg og gaterom. Andre oppgåver er utforming av bustad- og friområde, kyrkjegardar, anlegg for leik, idrett og rekreasjon. Ein sentral del i landskapsarkitekturfaget er forvalting og utvikling av kulturlandskapet. Vi har god kompetanse til å utarbeide illustrasjonar og 3D-visualiseringar av tiltak.