Vi prosjekterer optimale branntekniske løysingar med utgangspunkt i ny "Byggteknisk forskrift, TEK 10", og er rådgivar i samband med brannteknisk oppgradering av bygningar etter "Forskrift om forebyggande tiltak og tilsyn".

Vi kan hjelpe eigedomsforvaltarar, arkitektar, entreprenørar og industribedrifter med m.a.

• Brannteknisk vurdering av bygningar i samband med byggemelding (risiko- og brannklasse, seksjonering, rømingsvegar m.m.).
• Brannteknisk dimensjonering av berande konstruksjonar i stål, tre, mur og betong.
• Framlegg til utbetring av eksisterande konstruksjonar og bygningar.
• Utarbeiding av brannteknisk statusrapport for bygningen m/ kostnadsoverslag.

I mange nye prosjekt vil ei brannteknisk vurdering (i form av ein kortfatta rapport og brannteknisk teikning) saman med byggemeldinga lette arbeidet for kommunen sin sakshandsamar. Effekten av dette er raskare sakshandsaming og dermed kortare tid for å få byggeløyve.

Brannteknisk prosjektering
Vårt tverrfagleg team av med ingeniørar-/sivilingeniørar- og sivilarkitektar prosjekterer branntekniske løysingar til lavast mogleg kostnad for byggherren, samtidig som ein oppnår optimal person- og verdisikring. Vår bakgrunn for gjennomføring av prosjekteringa er grundig kjennskap til lover og forskrifter, lang erfaring innan tradisjonell bygningsprosjektering kombinert med spesialkompetanse innanfor branntekniske berekningar.

Brannteknisk oppgradering og dokumentasjon
Vi gjennomfører ein komplett registreringsrunde saman med brannvernleiar i bygningen (oftast vaktmeister). Dersom det ligg føre brannsynrapport av nyare dato, vert denne teken med ved registreringa. Denne registreringa viser seg alltid å vere nyttig, feil og manglar ved gamle teikningar, bygning og tekniske installasjonar vert som regel alltid funne.

Teikningsmateriellet utgjer "grunnstammen" i den branntekniske dokumentasjonen, og skal gje både brannvernleiar og brukarar forståing for korleis bygningen skal fungere og rømast ved brann. Vi utarbeider slike teikningar raskt og effektivt ved hjelp av dataassistert konstruksjon (DAK). På teikningane nyttar ein fargekodar og branntekniske symbol for å gje opplysningar om brannceller, seksjoneringsveggar, dører med brannklasse, rømingsvegar, brannslangar, brannmeldarar m.m. For eigarar av eldre bygningar der teikningsmateriellet ofte er spinkelt, vil dette og vere eit høve til å få eit sett med oppdaterte teikningar over bygningen.

Referanseprosjekt, klikk her