Forprosjekt og kommunedelplan for Esefjorden
Forprosjektet drøfta ulike alternativ og tilpassing av to hovudalternativ for framtidig vegløysing for Fv. 55 ved Esefjorden: bru over Esefjorden eller utbetring av eksisterande veg og rassikring av veg rundt. Nordplan AS har med samarbeidspartar utarbeidd ein rapport som silar alternativa fram mot hovudløysingar i kommunedelplanen.
Planforslaget byggjer på tilråding frå omfattande konsekvensutgreiing av båe alternativa, med utgangspunkt i Statens vegvesen si Handbok V-712. Nordplan AS med samarbeidspartar har utarbeidd tematiske rapportar for 9 ulike tema:
- Landskapsbilete
- Kulturminne og kulturmiljø
- Landbruk og sjøtransport
- Lokalt og regionalt reiseliv
- Nærmiljø og friluftsliv
- Naturmangfald
- Økonomisk samfunnsnytte
- Skredfare
- Støy
Nordplan AS har utarbeidd plankart og føresegner, planomtale med samandrag av konsekvensar, samt ROS-analyse. Verknad for landskapsbilete vart teikna opp og vist i lett tilgjengeleg og webbasert 3D-illustrasjon, med innsyn for alle aktørar i prosjektet. Planframlegget konkluderer med at bru over Esefjorden kjem best ut både for prissette og ikkje prissette konsekvensar, og vart den tilrådde løysinga.
