Detaljregulering for Stongarvågen Panorama, gnr./bnr. 82/88 mfl., Plan-ID: 202509, Bømlo kommune
I samsvar med plan- og bygningslova § 12-8 vert det med dette meldt om oppstart av detaljregulering for Stongarvågen Panorama, gnr. /bnr. 82/88 mfl., Bømlo kommune. Plan-ID: 202509.
Planområdet er om lag 26 daa, og ligg aust for Søre Stongarvågen ved Rubbestadneset. Planområdet er avgrensa med bakgrunn i tiltakshavar sin eigedom, samt behov for infrastruktur og heilskap i området.
Delar av reguleringsplan for 201204 Langholm – Marka og Ramshellaren, R-61 vil verta oppheva som del av planarbeidet, jf. pbl § 12-14.
Føremålet med detaljreguleringa er å legge til rette for eit bustadområde med ulike typar bustadar, og tilhøyrande tilkomstvegar og leikeareal. Ein vil sjå på tilhøva for mjuke trafikantar i høve kryssingspunkt for fv. 5006 Rolvsnesvegen og langs Rolvsnesvegen fram til eksisterande tilbod. Det vil og leggast til rette for gangtilkomstar mellom eksisterande tilgrensande bustadfelt Ramsdalen og nytt bustadområde. Eksisterande avkøyringar vert sanert og det vert opparbeida eitt nytt kryss ut på fv. 5006 innanfor området. Fv. 5006 vil verta utbetra på strekninga fram til nytt kryss, samt at det vert planlagd for fortau langs strekninga.
Konsekvensutgreiing
Planen skal utarbeidast som detaljreguleringsplan jf. § 12-3 i plan- og bygningslova. Planen utløyser krav om konsekvensutgreiing, og vil verta omfatta av konsekvensforskrifta sin § 6 Planar og tiltak som alltid skal konsekvensutredes og ha planprogram eller melding. Framlegg til planprogram, som her vert lagt ut til offentleg ettersyn, finn de under her.
Merknader
Moglege merknader og synspunkt til planarbeidet skal sendast skriftleg til:
Nordplan Stord AS, Postboks 32, 5401 Stord
Eller e-post: poststord@nordplan.no / mrh@nordplan.no innan høyringsfristen: 15.05.2026
Dokumenter:
