- Energi- og miljørådgiving
Gode energi- og miljøval som løner seg
Vi hjelper deg å redusere energibruk, driftskostnader og klimaavtrykk – i nybygg, rehabilitering, eksisterande bygg, industri og drift. Du får konkrete råd, dokumentasjon og tiltak som kan gjennomførast i praksis.
Vi koplar energianalysar, miljøvurderingar, livsløpsperspektiv og kunnskap om støtteordningar til løysingar som gir betre avgjerder tidleg – og betre resultat i drift.
Når treng du energirådgiving?
- Når du vil redusere energibruk og driftskostnader
- Når bygget skal energimerkast eller dokumenterast etter krav
- Når du skal rehabilitere, byggje nytt eller optimalisere drift
- Når du treng eit godt grunnlag for investeringar, støtteordningar og vurdering av livsløpskostnader
Når treng du miljørådgiving?
- Hvis du, din bedrift eller ditt prosjekt har grønne ambisjoner
- Når du skal miljøsertifiserast
- Ved riving, rehabilitering og ombygging
- Under detaljprosjektering og utføringsfasen
Leveransar
Kartlegging av energibruk
Vi kartlegg energibruken i bygget og vurderer konkrete energisparande tiltak som kan redusere kostnader, energiforbruk og klimagassutslepp. Du får eit solid grunnlag for å prioritere dei tiltaka som gir størst effekt.
Merking og dokumentasjon
Vi utarbeider energimerking og nødvendig energidokumentasjon for bygg, mellom anna for å oppfylle krav i TEK17. Du får korrekt dokumentasjon som støttar søknadsprosessar, ferdigattest og vidare drift.
Energivurdering av tekniske anlegg
Vi vurderer korleis ventilasjon, varme-, kjøle- og styringsanlegg fungerer i praksis, og identifiserer tiltak som kan redusere energibruken, betre drifta og gi lågare kostnader over tid.
Energiberekning og energibudsjett
Vi gjennomfører energiberekningar og utarbeider energibudsjett for nye og eksisterande bygg etter krav i TEK17, passivhusstandarden og andre relevante energikrav. Dette gir eit dokumentert grunnlag for prosjektering, søknader og val av energiløysingar.
Energiforsyning og energikonsept
Vi vurderer og samanliknar energiløysingar som varmepumper, fjernvarme, solenergi og andre fornybare energikjelder. Målet er å finne eit energikonsept og tekniske løysingar som gir låg energibruk, god drift og berekraftig økonomi over bygget si levetid.
Energioppfølging (EOS)
Vi etablerer og vidareutviklar energioppfølgingssystem (EOS) som gir oversikt over energibruken i bygga dine. Med løpande måling, analyse og oppfølging kan du avdekke avvik, dokumentere resultat og identifisere nye moglegheiter for energisparing.
Energileiing (NS-EN ISO 50001)
Vi hjelper verksemder med å etablere og vidareutvikle system for energileiing etter NS-EN ISO 50001. Med tydelege mål, systematisk oppfølging og kontinuerleg forbetring får du betre kontroll på energibruken og eit godt grunnlag for å redusere kostnader og utslepp.
Driftsstøtte og driftsoptimalisering
Vi hjelper deg med å få meir ut av bygget og dei tekniske anlegga gjennom systematisk oppfølging, analyse og optimalisering. Målet er lågare energibruk, stabil drift og reduserte kostnader utan unødvendige investeringar.
Støtteordningar
Vurdering av og søknad om finansiering gjennom støtteordningar, til dømes Enova og Husbanken
Klima og miljøvurderingar
Vi gjennomfører LCA- og klimagassberekningar og vurderer klima- og miljøpåverknaden frå bygg, anlegg og materialval. Dette gir eit faktabasert grunnlag for å samanlikne løysingar, dokumentere miljøprestasjon og ta gode val tidleg i prosjektet.
Ombruk og sirkulære løysingar
Vi kartlegg materialar, bygningsdelar og tekniske komponentar med potensial for ombruk ved rehabilitering, ombygging og riving. Gjennom vurdering av sirkulære løysingar legg vi til rette for redusert ressursbruk, lågare klimagassutslepp og meir berekraftige prosjekt.
Miljøkartlegging og miljøvurdering
Vi gjennomfører miljøkartlegging eller avklarer behovet for miljøkartlegging ved rehabilitering, ombygging og riving. Dette gir oversikt over miljøfarlege stoff, krav til handtering av avfall og eit trygt grunnlag for vidare planlegging og gjennomføring.
Inneklima, fukt og bygningsfysikk
Vi vurderer forhold knytte til inneklima, fukt og bygningsfysikk for å avdekke risiko, sikre gode løysingar og bidra til bygg som er sunne, energieffektive og varige over tid.
Miljøsertifisering og rådgiving
Vi bistår med Miljøfyrtårnsertifisering og gir praktiske råd som hjelper verksemder og prosjekt med å redusere miljøpåverknaden, oppfylle krav og arbeide meir systematisk med berekraft i kvardagen.
- KUNDAR
Slik jobbar vi med deg
Gode tiltak gir varige resultat
Vi prioriterer tiltak med størst effekt for økonomi, energibruk og miljø, følgjer støtteprosessar frå søknad til sluttrapportering og koplar livsløpskostnader til både investering og drift.