Områdereguleringsplanen for Hystadgardane legg til rette for eit stort sentrumsnært utbyggingsområde på Stord, der nye bustader, grøntområde og infrastruktur blir utvikla i samspel med eksisterande landskaps- og kulturverdiar. Målet har vore å skape eit attraktivt bustadområde der innbyggjarar i ulike aldrar og livssituasjonar kan bu godt og leve tett på både natur og lokalsamfunn.
Ei sentral målsetjing har vore å balansere utbygging med omsynet til grøntområde, kulturminne, kulturlandskap og allmenn tilgjenge. Innanfor planområdet er det utvikla konsept for moderne klyngetun med delingsfunksjonar og sosiale møteplassar som kan bidra til å redusere einsemd og styrkje fellesskapet.
Utviklinga av området vil gå føre seg over fleire tiår. For å sikre gode og framtidsretta løysingar har planarbeidet vore gjennomført i tett samarbeid med kommunen, Statens vegvesen, kommunaltekniske fagmiljø og andre viktige aktørar. Resultatet er ei heilskapleg løysing for bustadutvikling, samferdsle og teknisk infrastruktur, inkludert ny tilkomstveg, rundkøyring, buss-stopp, oppgradering av VA-anlegg og ny avløpspumpestasjon.
Prosjektet viser korleis langsiktig arealplanlegging kan leggje grunnlaget for attraktive, berekraftige og inkluderande bumiljø, samtidig som viktige landskaps- og kulturverdiar blir tekne vare på.
Nordplan har hatt ansvar for områdereguleringsplan, arkitektur, landskapsarkitektur, vegplanlegging, VAO-rammeplan og kontroll- og etterregistrering av kulturmiljø. Arbeidet har omfatta både reguleringsplan og skisseprosjekt i tett samarbeid med offentlege myndigheiter og tiltakshavar.
